प्रतिनिधी नुरुद्दीन मुल्लाजी
कासोदा तालुकाएरंडोल: येथील पोलीस स्टेशन कार्यालयात अवैध वाळू वाहतूक करीत असलेल्या डंपर चालकाची पोलीस ठाण्यात चौकशी सुरु असतांना त्यासोबत असलेल्या दुसर्याने पोलिसांसमोर पोलीस स्टेशन आवारातून वाळूने भरलेले डंपर पळवून नेल्याची घटना दि. १९ डिसेंबर २०२१ रोजी रात्री १ वाजेच्या सुमारास घडली डंपर ताब्यात घेऊन पोलीस स्टेशनला पाच लाख किंमतीचे डंपर व अंदाजे बारा हजार रुपयांपर्यंत असलेली तीन ब्रास वाळू असे जमा करण्यात आले असून आरोपी गगन छगन तडवी (वय २०) रा. मुलगी ता. अक्कलकुवा जि. नंदुरबार हल्ली मुक्काम निलाॅन्स कंपनी काॅलनी, उत्राण व अमीन हुसेन शेख रा. उत्राण या दोघांवर गुन्हा नोंदविण्यात आला असून.
याबाबत सविस्तर वृत्त असे की दिनांक 19 रोजी रात्री 1 वाजता पारोळा- फरकांडे चौफुलीवर पोलीस उपनिरीक्षक नरेश ठाकरे यांच्यासोबत पो. काँ. भागवत पाटील, इम्रान खान, स्वप्नील परदेशी, नितीन मनोरे हे गस्त घालत असतांना त्यांनी अवैध वाळू वाहतूक करीत असलेल्या डंपर क्रमांक एमएच २० सीटी ९२८४ हा आडवून चौकशी केली असता उडवा उडवीची उत्तर दिली त्या संशयावरून पोलीस ठाण्यात डंपर जमा करून पुढील तपासकामी गगन छगन तडवी याची चौकशी सुरू असतांना त्यासोबत असलेल्या अमीन हुसेन शेख रा. उत्राण याने डंपर पोलीस स्टेशन आवारातून पळवून नेऊन तळई रस्त्यावर हाॅटेल सत्कार समोरील बेकरीच्या मागे वाळू खाली करीत असतांना पोलीस पोहचत असल्याचे पाहून डंपर सोडून पळ काढला. उत्राण शिवारातून गिरणा नदी पात्रातील विनापरवाना वाळू चोरून आणणे व पोलीस ठाण्याच्या आवारातून पोलिसांच्या संमतीशिवाय वाळूने भरलेला ट्रक चोरून घेऊन जाणे म्हणून गगन छगन तडवी व अमीन हुसेन शेख रा. उत्राण या दोघांवर पो.काँ. नितीन मनोरे यांनी दिलेल्या फिर्यादीवरून कासोदा पोलीस ठाण्यात गुन्हा नोंदविण्यात आला असून गगन छगन तडवी
यास अटक करण्यात आली असून दुसरा आरोपी अमीन हुसेन शेख हा फरार असून त्याचा शोध सुरु आहे पुढील तपास सहाय्यक पोलीस निरीक्षक निता कायटे यांच्या मार्गदर्शनाखाली पोलीस उपनिरीक्षक नरेश ठाकरे हे करीत आहे.
0 टिप्पण्या