गुजरातमध्ये महाराष्ट्राची मान उंचावली! ४ थ्या राज्यस्तरीय वुशू स्पर्धेत सिद्धी पाटीलला 'सुवर्ण पदक

आनंद (गुजरात) विशेष प्रतिनिधी

दिनांक २७ ते २९ मार्च २०२६ दरम्यान आनंद (जि. आनंद) येथे पार पडलेल्या ४थ्या राज्यस्तरीय वुशू स्पर्धेत सिद्धी प्रदीप पाटील हिने आपल्या कौशल्याच्या जोरावर सुवर्णपदक पटकावून ऐतिहासिक कामगिरी केली आहे. या स्पर्धेत गुजरात राज्यातील सर्व जिल्ह्यांतील नामवंत खेळाडूंनी सहभाग घेतला होता, मात्र सिद्धीने सर्वांना मागे टाकत प्रथम क्रमांक पटकावला.

खांदेश आणि जळगावचे नाव उजळले

सिद्धी पाटील हिने या स्पर्धेत गिर सोमनाथ जिल्ह्याचे प्रतिनिधित्व केले असले, तरी तिचे मूळ नाते महाराष्ट्राशी आणि विशेषतः खान्देशाशी जोडलेले आहे. सिद्धी ही:

 रामलाल अर्जुन पाटील यांची नात असून,

 श्री. योगेश रामलाल साळुंखे (पाटील), रा. खडके बु॥ (ता. एरंडोल, जि. जळगाव) यांची भाची आहे.

तिच्या या विजयामुळे केवळ गिर सोमनाथ जिल्ह्याचेच नव्हे, तर जळगाव जिल्हा, संपूर्ण खान्देश आणि महाराष्ट्राचे नाव गुजरातच्या क्रीडा क्षेत्रात अभिमानाने घेतले जात आहे.

कुटुंबीयांकडून ईश्वराचे आभार

सिद्धीच्या या यशाबद्दल बोलताना तिच्या कुटुंबीयांनी अत्यंत आनंद व्यक्त केला आहे. "हे यश केवळ सिद्धीच्या मेहनतीचे फळ नसून, भगवान चक्रधर स्वामी यांच्या आशीर्वादानेच हे शक्य झाले आहे," अशी भावना तिच्या नातेवाईकांनी व्यक्त केली.

सर्व स्तरांतून कौतुकाचा वर्षाव

राज्याच्या सीमेपलीकडे जाऊन आपल्या खेळाची चुणूक दाखवणाऱ्या सिद्धी पाटीलवर सध्या सर्व स्तरांतून कौतुकाचा वर्षाव होत आहे. खडके बु॥ (ता. एरंडोल) ग्रामस्थांनी तसेच क्रीडा प्रेमींनी तिच्या पुढील वाटचालीस शुभेच्छा दिल्या आहेत.