जामनेर तालुक्यातील पहूर येथे दफनभूमीच्या वादातून पहुर ग्रामपंचायतीच्या समोर मृत्यू देहासह ठिय्या,

जामनेर तालुक्यातील पहूर येथे दफनभूमीच्या वादातून पहुर ग्रामपंचायतीच्या समोर मृत्यू देहासह ठिय्या,

जामनेर ता प्रतिनिधी-विठ्ठल चव्हाण
पहूर कसबे येथील तडवी समाजाच्या व्यक्तीचा मृत्यू झाल्यानंतर त्यांच्या दफनासाठी जागा न मिळाल्याने त्याचा मृतदेह आणून थेट ग्रामपंचायतीसमोर ठिय्या मांडण्याचा प्रकार आज सायंकाळी पहुर येथे घडला, या प्रकरणी मध्यस्थी करून हा वाद मिटवण्याचे आश्वासन दिल्यानंतर अखेर त्या व्यक्तीच्या पार्थिवावर अंत्यसंस्कार करण्यात आले, याबाबत माहिती अशी की हकीम हबीब तडवी (वय३५,रा: पहुर कसबे) यांचे आज दिनांक 2 रोजी दुपारी दोन वाजेच्या सुमारास आजाराने निधन झाले, त्यांच्या अंत्ययात्रेची सायंकाळी पाच वाजेची वेळ होती, तडवी समाज पूर्वी पासून समाजाच्या आलेल्या जागेवर दफनविधी साठी गेले असता शेत मालकांनी दफनविधी करू देण्यास नकार दिला,त्यानंतर तडवी समाजाचे काही कार्यकर्ते पोलीस ठाण्यात गेले असता सपोनि सिंह परदेशी यांनी वाद मिटवण्याचा प्रयत्न केला , मात्र तडवी समाजाच्या कार्यकर्त्यांनी दफनभूमी पासून पहूर कसबे ग्रामपंचायत समोर मृतदेह आणून ठिय्या आंदोलन सुरू केले, काहीजणांनी अंत्यविधीसाठी समोरच खड्डा खोदला, वाद वाढतच चालल्याचे पाहून सरपंच पती शंकर घोंगडे, माजी जिल्हा परिषद सदस्य राजधर पांढरे, ग्रामपंचायत सदस्य विवेक जाधव यांच्यासह लोकप्रतिनिधी गणेश पांढरे आदींनी दफनभूमीसाठी कायम स्वरूपी पर्यायी जागा देण्याचे ठरविले,त्यानंतर जागेची पाहणी करण्यासाठी गेले असता यानंतर दफनभूमी म्हणून पर्यायी जागेचा उपयोग करण्याचे ठरले,अखेर दीड तासानंतर मृतदेह त्या ठिकाणी नेऊन दफन करण्यात आले, एपीआय राकेश सिंह परदेशी सहकाऱ्यांनी घटनास्थळी धाव घेऊन शांतता प्रस्थापित करण्याचा प्रयत्न केला, तथापि, या प्रकरणात बराच वेळ गोंधळ झाला, हे सारे घडत असताना फिजीकल डिस्टनिंगचा फज्जा उडुन मोठी गर्दी ग्राम पंचायती समोर जमली होती,